31-vjeçarja vdiq nga mbidoza, banorët kërkojnë shembjen e ndertesës ku konsumohet drogë
E reja me iniciale G.H u gjet e pajetë në një pallat të pabanuar në zonën e Bajram Currit në kryeqytet.
Ky pallat që u dëmtua gjatë tërmetit të vitit 2019, është braktisur nga banorët por kthyer në një strehëz për përdoruesit e drogave.
Por edhe pse një 31-vjeçare humbi jetën në këtë pallat për shkak të mbidozës, përdoruesit e lëndëve narkotike nuk heqin dorë dhe vazhdojnë sërish të konsumojnë lëndë narkotike.
Madje tani, sipas banorëve, këta përdorues droge që nuk i tremben askujt kanë vendosur një batanije në dritare për të mos u dukur dhe vazhduar të qetë “aktivitetin” e tyre.
Banorët kërkojnë masa të menjëhershme për këtë problem.
Ata kërkojnë që pallati i pabanuar të shembet sa më parë pasi është kthyer në një godinë të frikshme dhe vend mbeturinash.
Mesazhi i qytetarëve:
Pershendetje JOQ, eshte i njejti pallat ku u gjend para pak ditesh 31-vjeçarja e pajete nga mbidoza. Mesa duket personat qe qarkullojne ketu nuk i tremben askujt, kane vendosur perseri batanije ne dritare per te mos u dukur, duke vazhduar aktivitetin e tyre. Duhet te merren masa lidhur me kete pallat te pabanuar, te shembet sa me shpejt pasi eshte kthyer ne nje godine te frikshme dh nje vend mbeturinash.
