LAJME
Krim i rëndë, 48-vjeçari vret me sëpatë komshien e tij
Një burrë vrau me sëpatë fqinjën e tij, Mara Fait, një infermiere 63-vjeçare në pension, ne qytetin e Trentos.
Më pas u dorëzua në polici. Vrasja ndodhi mbrëmjen e së premtes rreth orës 20.30 në Noriglio, një fshat i Roveretos. Mes 48-vjeçarit dhe viktimës duket se ka pasur debate të ashpra .
Dëshmitarja e vetme e asaj që ndodhi ishte nëna e viktimës, e moshuar dhe e sëmurë. Sipas rrëfimeve të fqinjëve, në të kaluarën kishte pasur debate mes të dyve, shpeshherë degjeneruar në zënka. Policia po punon për të rindërtuar atë që ka ndodhur.
