Meriton Mjekiqi mes lotësh rrëfen se djali i tij 5 vjeçar vuan nga autizmi: Në Big Brother kam hyrë për të

Moderatori Meriton Mjekqi mes lotësh ka rrëfyer për jetën e tij personale dhe djalin 5 vjeçar të cilin tha se nuk e ka parë tash e një kohë.

Meritoni zbuloi arsyen prekëse pse ai ndodhet në formatin e Big Brother dhe e cila lidhet me djalin e tij. Meritoni tha se djali i tij 5 vjeçar vuan nga autizmi dhe në Big Brother ka hyrë për të.

Ai tha se në rast se fiton çmimin e madh, gjysmën do ta ndajë për djalin dhe pjesën tjetër për fëmijët me autizëm.

“Arsyeja pse jom brenda është për shkak të një kauze. Loari, është një prej fëmijëve të tjerë që është me autizëm dhe kjo ka qenë arsyeja që kam ardhë në këtë shtëpi, që nëse fitoj gjysmën do t’i ndajë për djalin dhe fëmijët e tjerë me autizëm. Është 5 vjeç dhe ka problem në të folur e detaje të tjera”, tha Meritoni mes lotësh.

Ai i kërkoi publikisht ish-bashkëshortes që të lënë anash problemet e kaluara dhe të jetë edhe ai i pranishëm në jetën e djalit.